"ANG SALITA NG DIYOS" (NJ: MY NEW INSPIRATION)

Black Saturday – Wala akong magawa sa bahay, nanood lang ako ng TV, after lunch natulog ako, paggising ko ay dumeretso na ako kina Lola Mameng para ayusan ang karo ng “Risen Christ”, taun-taon ay LCM ang naka-assign para mag-ayos nito, sa Bahay at garahe nina Lola Mameng ang venue, kaya may pa-meryenda din sya taun-taon. Smile

Ang bilis ng oras, 9PM nag-ready na ako papuntang simbahan. Nandun na din lahat sila, nag-picture-an pa kami para masaya at remembrance na din.

Pinatay na ang lahat ng ilaw at nagsilabas na ang lahat para simulan ng ang pagdiriwang. Nakita ko na si “JD” sa quarter nila, nagmamadaling nagbibihis dahil na-late ata sya, pagdaan nya sa harap ko sabi ko “Andami mong pictures sa'kin” sabay smile, ang sabi nya naman “Tag-Tag din.” ngumiti na lang ako, 'yun ang pag-uusap ulit namin after so many years? Toink.

Si “NJ” nakita ko na din, nalulungkot ako, kasi hindi ko sya maka-usap, ano naman ang sasabihin ko saknya? Hindi ko kasi alam kung papaano ko sya ma-a-approach, baka hindi nya ako pansinin.

Nagpasukan na kami lahat sa loob, nag-start na ang inaabangan naming lahat, ang “Battle of the Voices” according to Kuya Alson (former President). Kasi lahat ng pitong Readers ay aawitin ang “Ang Salita ng Diyos” at aawit din syempre ang pitong Salmista, kaya nagingh battle of the voices, at syempre may ma-a-out, 'yun ay kung sinong lector/psalmist ang papalpak. Toink. Patay lahat ng ilaw, si Ate Telay ang first Reader, habang may sakristan na nakatabi sakanya at may hawak na flashlight. Pagkatapos nya, “Mali ang binasa ko.” 'yun kaagad ang bungad nya. Si Ate Onor ang first Psalmist, after ng First Stanza, bumaba na sya, bakit hindi nya tinapos? Hanggang ngayon ay hindi ko pa din alam ang dahilan. Ako ang pangatlong bumasa, mas okay sana kung si “JD” o “NJ” ang maghahawak ng flashlight na magbibigay liwanag sa Lectionary na babasahin ko, para mas maging maganda at maayos sana ang pagbasa ko at ang pag-awit ko ng “Ang Salita ng Diyos” pero anyway, okay naman ang lahat.

Na-feel ko ang kagandahan ng misa ng Easter Vigil, lalo na nung magbukas lahat ng ilaw at lumitaw na ang Hesukristong muling nabuhay. Happy Easter! Ang panalangin ko nalang ay ang lagi kong Panalangin sa Panginoon, alam na nya 'yun, at syempre para karagdagan sa panalangin ko, gusto ko ng marami pang Inspirasyon, na tutulong sa aking magsumikap sa buhay, pinapanalangin ko ito habang nakatingtin sa kanilang dalawa. Toink

After ng mass, Salubong na, sa may amin kaming mga boys kasi nandoon ang karo ng Risen Christ, at tignan mo nga naman, naandoon din ang mga inspirasyon ko, may nagtulak pa nga sa akin kay “NJ” eh, hindi ko alam kung sinasadya o ano?

Pagdating sa simbahan, napakagandang tagpo ang magsalubong ang mag-ina, ang Mahal na birheng Maria at ang Hesus na muling nabuhay.

Nagpakain na naman kami ng lugaw, inanyayahan namin ang lahat ng tao na kumain ng lugaw. LCM ang taun-taong naka-assign magpakain ng lugaw. Dumagsa lahat ng tao kaya join force kami lahat para mag-distrubute ng lugaw, ako ang taga-bigay ng Cup at Spoon. Humupa bigla ang tao, ng biglang nakita ko sa harap ko si “NJ” nakapila at kukuha ng lugaw, tumingin ako sakanya at tumingin din naman sya, siguro three seconds kami nagkatinginan sa mata at nagkangitian, iyon ang pinaka-nakakakilig na tatlong segundo sa buhay ko, promise! Grabe, nginitian nya ako, teka, alam nya na kaya na crush ko sya? Hmm.

Tinulungan ko magtago ng easter eggs sina Kuya Joel at Kuya Ronald, habang nagtatago kami ng mga itlog sa suluk-sulok, nakita ko ulit sya (“NJ”) pakalat-kalat, pagdaan nya sa harap ko, sabi ko “Gusto mo ng itlog?” ngumiti lang sya. Pagdaan ko naman kay “JD” aalukin ko sana sya ng itlog kaso nahiya ako. Sa may hagdan nakita ko ulit sila na nakaupo, habang may tinago akong itlog sa may tabi ng hagdan, nakita nila ako, tapos sabi ko kay “NJ” “oh sa'yo na lang” tapos umalis na ako. Pagbalik ko sa pwesto nila, nakita namin ni Ate Tes na pinag-aagawan nila ang mga itlog na tinago namin, sinaway sila ni Ate Tes, samantalang ako naman ay nasa likod at sinesenyasan ko sila, nag-ngitian nalang kami ni “NJ” at nag-ngitian nalang din kami ni Ate Tes. Tanong sa'kin ni “NJ”, “Kuya, anong oras ang egg-hunting?” Sabi ko “6AM at 4 PM”, at pinag-agawan na naman nila lahat ng mga itlog na nakita nila, sinaway naman sila ni “NJ”, sabi ko sakanya, “Si 'NJ' ang kulit....”, ngumiti lang sya at umalis na ako.

Haaaay, hindi naman pala sya akala ng iniisip ko na hindi nya ako papansinin, mukhang mabait naman syang bata. Sana magpatuloy ang ganoong encounter namin at maging close kami :))

Pagsakay namin ni Mama ng trike, nakita ko si “JD” pauwi na din, sabi ko “Ingat-Ingat din”, sabi naman nya “Uwi-Uwi din”. Natawa nalang ako.

Ansaya ng mga huling araw na nagdaan, nakaka-miss.. Ma-mi-miss ko talaga 'to :))

MABUHAY ANG HARI NG MGA JUDIO! (JON O'THANDY'S 4TH ANNIVERSARY)

Good Friday – Sa Gulod kami nag-lunch, nakaugalian na naming buong pamilya (Manangkil, mother side) ang magtanghalian ng sabay-sabay ang buong pamilya. Kumpleto naman ang magkakapatid, may ilang mga pinsan ko nga lang ang wala. Balatong at Pritong Galunggong ang ulam, bagamat bawal ang karne ngayon, with Fresh Watermelon, Singkamas with Alamang at Halo-Halo ang aming pinag-salu-saluhan, nakakalaki ng tiyan. Ang sabi nga ni Nanay, kahit anuman ang nakahaing pagkain, kaunti man o sobrang dami, basta't kumpleto ang lahat ay tunay na masaya.

Umuwi na din ako kaagad at nag-prepare para sa misa ng 3 PM, pagdating ko sa simbahan, kumpleto na kami, nag-pray over para maging successful ang gagawin naming Speech Choir tungkol sa Passion and Death of Our Lord. Hindi mawala ang kaba sa amin, pero alam namin na kaya namin ito magampanan lahat. Sa una ay parang napapailing at ngisi si Sister Susan, ang aming mentor, pero sa bandang huli ay bumabawi naman kami, gumaganda ang aming pagsasalaysay. Medyo pumalpak nga lang kami sa “Mabuhay ang Hari ng mga Judio!” pero maayos naman, pagdating sa “Ipako sa Krus!” nakakapanindig balahibo sa totoo lang. Natapos din, hindi ako masyadong bumilib sa aming sabayang pagbigkas, pero madami naman ang nag-komento na maayos naman, may ilan din daw ang naiyak.

Pagpapahalik na sa krus, ilang taon ko na ba ulit ito ginagawa? Ang magbiro na instead na sa krus humalik ay kung pwede sa sakristan na may hawak ng krus humalik? Toink. Malaking krus ang pinahahalik ngayon, at syempre hindi mawawala si (“JD”) sa mga may hawak ng krus. Naalala ko tuloy before nung bago ko palang sya naging crush, 2009 pa 'yun, Biyerne Santo din, kaya every Biyernes Santo at nagpapahalik ng krus ay naaalala ko ang pagka-crush ko sakanya, bata pa sya noon, at ngayon after 4 years ganoon pa din sya, walang pinagbago, crush ko pa din sya. Toink. At eto pa, may nadagdag? Actually, noon ko pa sya nakikita everytime na nagseserve ako, si “NJ” crush ko na din sya, and gagawin ko ulit Biyernes Santo ang date ng pagka-crush ko sakanya. Oh di ba. Toink, haay, bakit ba ako ganito?? Nalulungkot tuloy ako habang palihim ko sya, I mean, silang pinagmamasdan, kasi mamimiss ko ito, next year na ulit ito mangyayari.

After ng pagpapahalik sa krus, ay sinundan na ng prusisyon, sama-sama ulit kami, sa gitna ng karo ng Maria Magdalena at Birheng Dolorosa kami nakatanod, ambilis ng naging Prusisyon, ewan ko ba, ang bibilis maglakad ng mga tao. Maging sa pabalik, natatawa nalang ako dahil nananakbo kaming mga nasa dulo ng prusisyon, kasi naiiwan na kami, tawa ako ng tawa, kapag nakikita kong nananakbo ang mga tao sa harap ng karo ni Birhen Dolorosa ay pinapatakbo ko din ang mga tao sa uanahan at nagtatakbuhan kami lahat, naging jogging na tuloy ang prusisyon. Ito ang prusisyon na hindi ko naramdaman ang sakit ng paa ko at pagkainip, kasi maagang natapos.

Nakaka-miss tuloy, mami-miss ko ang mga gawaing ganito.

"SHING-A-LING A-LING DING DONG"

Maundy Thursday – Nagulat ang lahat ng biglang bumulaga ako sa pinto ng van, “Ayan si Jonathan!” wika nila.

Muntik na akong maiwan, paalis na pala sila. We're on our way to San Pablo City! Yearly, um-a-attend kami ng Holy Chrism Mass sa San Pablo Cathedral with my co-LCM members, this year sixteen (16) lang kami na um-attend, Ate Tes, Ate Telay, Ate Cynthia, Ate Princes, Ate Nhormz, AteTricia, Ate Kat, Ate Irene, Kuya Mario, Ate Ana with her daughter, Ate Nerie with her sister, Ate Josie and the driver. Pasado 4AM na kami umalis ng Mamatid, sa Santo Tomas-Alaminos kami dumaan. Nag-drivethru pa nga kami sa Jollibee Turbina, nagutom kasi sila, breakfast daw.

Siguro quarter to six na kami nakarating ng Cathedral, as usual wala na kami maupuan kaya nakatayo na lang kami, nag-start na ang Holy Chrism Mass, nakita ko na ulit ang mga dating pari na nakilala ko at naglingkod sa Simbahan ng Mamatid, sina Father Tootsie, Father Rene, Father Cletus, Jason, Richard, Celso, ang mga kasalukuyan naming pari na sina Father Roy at Father Nani, at syempre ang namimiss na namin na former Parish Priest/Rector na si Father Seldon! - na hindi namin nalapitan at nakumusta dahil na-stock up kami sa halamanan. Toink.

Nakakalungkot lang, kasi one of the reasons kung bakit ako nag-attend ng Chrism Mass sa San Pablo ay kasi bibili ako ng Guide/Prayer Book for the Holy Week, kaso wala ako nakita sa Holy Face (Bookstore). Nakita din pala namin si Brother Jayson (na-assigned din sa Mamatid).

Our first stop for our Visita Iglesia was in St. John the Baptist Church, Liliw, Laguna. Walang kasing ganda at kasing luma pa din ng simbahan ng Liliw. Binisita na din namin si Sister Rory, taga-Mamatid, ang secretary ni Father Tootsie na naka-assign ngayon sa simbahang ito.

Syempre, kulang ang pagdayo sa Liliw kung hindi titingin at bibili ng mga Tsinelas, ang number one product na ipinagmamalaki ng Liliw, the “Tsinelas/Footwear Capital of the Philippines”.

St. Bartholomew the Apostle Parish, Nagcarlan, Laguna, second church. Nagcarlan, ang sinilangan ni Father Seldon. Namili na din kami ng mga pasalubong doon, Shing-aling ang sikat na produkto ng Nagcarlan, pati na ang espasol. Next is the Immaculate Conception Parish, Concepcion, San Pablo City is for our Ninth and Tenth Station. Next ay sa San Pablo Seminary, kung saan nag-aaral ang mga mag-paparing mga taga-Laguna.

Eleventh and Twelfth Station ay sa Holy Trinity Parish, Pansol, Calamba City, ang parokyang pinagmulan ng aming bagong Kura Paroko ngayon. Namili na din kami doon ng Buko Pie at Fresh Carabao Milk.

At syempre ang mga panghuling Station ay sa Diocesan Shrine and Parish of San Vicente Ferrer, Mamatid, Cabuyao City, ang pinakamamahal naming Simbahan.

At eight o'clock in the evening, bumalik kami ng simbahan for our vigil and practice na din for tomorrow.